نشيد مكتوب عجبينك بطل

مكتوب عجبينك بطل يا ساكن الزنازين 
مهما جرى ومهما حصل كله فدا فلسطين 
بعرف اهانوا وعذبوك باعوا الكرامة وارهبوك 
تيابك بدمك خضبوا مافي شرف او دين

صوت السلاسل بالسجن ما اتعسه من صوت 
لما العدو بيمتحن صبرك يجي بالموت 
لا تفتكر قلبي معك مع كل اه بسمعك 
بدعي الهي يرجعك يارب يا جبار

والجفن غارق بالبكى ودموعي ما بتنذل 
والكل قاعد متكي يا حسرتي عالكل 
لا تذرف دموعك بعد رح ضل حدك عالوعد 
لو كل هالعالم بعد صوتي بارود ونار

لما يا امي تكبلت رميوني خلف السور 
كاس المذلة تجرعت صار القلب مقهور 
من دون رحمة تعاملوا شلوا قوايي وعطلوا 
كم مرة اكلي اجلوا ساعات ليلي نهار

ومن المرض قلبي انكوى ما في عمشفى نروح 
حرموا جروحي من الدوا ما اصبرك يا روح 
حبس انفرادي مسكني متر بمتر بيتي الهني 
يارب لاهلي ردني يشرق عليي نهار

حلمي حياتي اتصل احكي مع هالناس 
عن كل شعبي منفصل وضعي صعب حساس 
مشتاق لنور الشمس مشتاق ما احكي بهمس 
مشتاق شوفك يا قدس يا قبلة الاطهار

يارب منعوني الصلاة منعوا الك اركع 
وانت اللي عارف بالبلا شكواي عم تسمع 
ممنوع ابدل ملبسي ممنوع اعدل مجلسي 
يا بومة الظلم اخرسي جايينك الثوار

يا مغتصب ارضي اعترف اللي نريده يصير 
من الاسرى حررنا الف وحنكمل التحرير 
عزم الفلسطيني انتصر والقيد من ايده نكسر 
مبروك يا كل الاسر ما انتهى المشوار

لاتلوم حكام العرب كل العرب نايمين 
عمين رح ابدي العتب باللي جرى عمين 
صوت العروبة ما انسمع ما في جفن حن ودمع 
يا ناس يا اهل الجمع جمعة وفا الاحرار

مكتوب عجبينك بطل. ميس شلش." على YouTube - https://youtu.be/x3GgNPPRBZI